कोशी सरकारमा भागबन्डा: ४ मन्त्रालयमा नेकपाकाे दाबी, ३ दिन तयार एमाले

विराटनगर । कोशी प्रदेश सरकारमा सहभागी हुने तयारीमा रहेको नेपाली कम्युनिष्ट पार्टी (नेकपा)ले ४ वटा मन्त्रालयमा दाबी गरेकाे छ ।  नेपाली कांग्रेसले सम्हालेका मन्त्रालयमा दाबी गरेकाे हाे ।

नेकपा संसदीय दलका नेता इन्द्रबहादुर आङ्बोले कांग्रेसकै हैसियत र सम्मानजनक सहभागिता भए मात्र सरकारमा जाने बताए ।

यता नेकपा (एमाले) ले भने मन्त्रालयको सङ्ख्या नबढाई मौजुदा संरचनाभित्रै ३ वटा मन्त्रालय र आवश्यक परे एक राज्यमन्त्री दिएर समेट्ने रणनीति बनाएको छ ।

एमाले इन्चार्ज शेरधन राईले सांसद सङ्ख्याका आधारमा ६: ३ को अनुपातमा मन्त्रालय बाँडफाँड हुने बताए ।

मन्त्रालय भागबन्डाका साथै बजेट पुनरावलोकन, साझा न्यूनतम कार्यक्रम र प्रदेशको नामकरण संशोधन लगायतका विषयमा सहमति जुटाउन आज दुई दलबीच निर्णायक वार्ता हुँदैछ ।