ग्रामथानमा सवारी दुर्घटना हुँदा एक जनाको मृत्यु

विराटनगर । मोरङको धनपालथान गाउँपालिका–७ मा मोटरसाइकलको ठक्करबाट घाइते भएकी एक वृद्धाको मृत्यु भएको छ ।

धनपालथान गाउँपालिका–७ कदमाहास्थित भित्री सडक खण्डमा कदमाहाबाट नोचातर्फ जाँदै गरेको को ३३ प ८९५३ नम्बरको मोटरसाइकलले बाटो काट्दै गरेकी ७० वर्षीया चुम्नीदेवी मण्डललाई ठक्कर दिएको थियाे ।

प्रहरीका अनुसार बुधबार राति मोटरसाइकलको ठक्करबाट मण्डलको टाउको र अनुहारमा गम्भीर चोट लागेको थियो ।

मण्डललाई तत्काल उपचारका लागि विराटनगरस्थित न्युरो अस्पताल लगिएको थियो । उनको उपचारकै क्रममा बिहीबार बिहान ४ः०५ बजेतिर मृत्यु भएको प्रहरीले जनाएको छ ।