करेन्ट लागेर महिलाकाे मृत्यु

विराटनगर । करेन्ट लागेर मोरङको उर्लाबारीमा एक जना महिलाको मृत्यु भएको छ । उर्लाबारी नगरपालिका–४ खोर्सानीबारीकी ६५ वर्षीया पवित्रा बास्तोलाको बुधबार साँझ मृत्यु भएको हाे ।

प्रहरीका अनुसार आफ्नै घरमा रहेको घाँस काट्ने मेसिनलाई हातले छुने क्रममा साँझ ६ बजेतिर उनलाई करेन्ट लागेको थियो । करेन्ट लागेर गम्भीर घाइते भएकी बास्तोलालाई उपचारका लागि उर्लाबारीको मंगलबारेस्थित मदन भण्डारी अस्पताल एवं ट्रमा सेन्टर लगिएको थियो ।

उपचारकै क्रममा उनलाई चिकित्सकले साँझ ७ः२० बजेतिर मृत घोषणा गरेका थिए ।