विराटनगरकाे भाटभटेनी सुपरमार्केट पुन सञ्चालनमा

विराटनगर । जेनजी आन्दोलनका क्रममा गत भदौ २४ गते आगजनी भएकाे विराटनगरको भाटभटेनी सुपरमार्केट शनिबारबाट पुनः सुचारु गरेको छ ।

जेनजी आन्दोलनका क्रममा सरसमानसहित भवनमा आगजनी भएपछि ठूलो क्षति भोगेको भाटभटेनीले शनिबारबाट सेवा सुरु गरेकाे हाे । भाटभटेनी खुलेसँगै सरसमान खरिदका लागि स्थानीयको विहानबाट भीड लागेको छ ।

करिब १० महिनाकाे पुननिर्माणपछि सञ्चालनमा आएकाे भाटभटेनीका प्रमुख कार्यकारी अधिकृत पनु पौडेलले बताए । ‘विराटनगर र स्थानीयको साथ र सहयोगसहित खरानीबाट फेरि एकपटक हामी बजारमा उत्रिएको छौ,उनले भने,’हामीलाई सञ्चालनमा ल्याउनका लागि विराटनगरवासीको ठूलो साथ रहेको छ ।’

विराटनगरमा कार्यरत करिब ३ सय कर्मचारीको साथ र अथक मेहनतले असारमै मार्केटलाई अघि बढाउन सकिएको उनले बताए । गतवर्ष भदौंमा भएको आगजनीपछि भवन पूर्ननिर्माणदेखि स्टोरका सरसमानमा गरि हालसम्म १ सय करोड नेपाली रुपैयाँ खर्च भएको उनको भनाई छ ।

जेनजी आन्दोलनका क्रममा विराटनगरसहित काठमाडौंको महाराजगञ्ज, कोटेश्वर, बौद्ध, बालुवाटार, भरतपुर, पोखरागरि १२ वटा सुपरमार्केटमा क्षति पुगेको थियो । भाटभटेनी सुपरमार्केटका अनुसार क्षति पुगेका मध्ये ५ वटा स्थानका सुपरमार्केट सञ्चालनमा आउन बाँकी रहेको छ ।