रास्वपा सुनसरीको सभापतिमा सागर दाहाल निर्वाचित

विराटनगर । राष्ट्रिय स्वतन्त्र पार्टी (रास्वपा) सुनसरीको सभापतिमा सागर दाहाल निर्वाचित भएका छन् । शनिबार भएको प्रथम जिल्ला अधिवेशनबाट दाहाल सभापतिमा निर्वाचित भएका हुन् ।

सभापति पदका लागि भएको निर्वाचनमा दाहालले १४२ मत प्राप्त गरे । उनका प्रतिस्पर्धीहरू कृष्ण रौनियारले ७४ मत, मोहन निरौलाले ६२ मत र चक्र विष्टले १० मत प्राप्त गरे ।

उपसभापतिमा राजेशमान श्रेष्ठ विजयी भएका छन् । श्रेष्ठले १९७ मत प्राप्त गर्दा उनका निकटतम प्रतिस्पर्धी देवीका भण्डारीले ७४ मत प्राप्त गरिन् ।

जिल्ला कार्यसमितिको सचिवमा राजारामकुमार मेहता र सहसचिवमा योगेन्द्र गिरी निर्विरोध निर्वाचित भएका थिए । सदस्यहरूमा लक्ष्मी सुवेदी, राजकुमारी मेहता, धरमवीर आर्य, रेणुका हरिजन र गोकुल थापा निर्वाचित भएका छन् ।