‘पिर्के सलामी’ले विवादमा मोरङकी सांसद आशा झा

विराटनगर । मोरङ क्षेत्र नम्बर ५ बाट निर्वाचित राष्ट्रिय स्वतन्त्र पार्टी (रास्वपा) की सांसद आशा झा ‘पिर्के सलामी’का कारण विवादमा तानिएकी छन् ।

मोरङको रंगेलीस्थित इलाका प्रहरी कार्यालयको निरीक्षणका क्रममा उनले रातो कपडा बिछ्याइएको पिर्कामा उभिएर प्रहरीको सलामी ग्रहण गरेपछि विवादमा तानिएकी हुन् ।

सामाजिक सञ्जालमा उनको तीव्र आलोचना भइरहेको छ । सादगी र वैकल्पिक राजनीतिको नारा दिने रास्वपाका सांसदले पुरानै ‘भीआईपी’ शैली अपनाएको भन्दै सामाजिक सञ्जालमा उनकाे आलाेचना भइरहेकाे हाे ।

विवादबारे सांसद झाले आफूले सलामी नमागेको बताएकी छन् । झाले आफूले सलामी दिन आग्रह नगरेको र प्रहरीले सम्मान दिँदा अस्वीकार गर्नु पनि उचित नहुने बताइन् ।

मोरङ प्रहरीले  सलामीकाे सामान्य औपचारिक सम्मान मात्रै भएको बताएको छ ।