सरकारले दोस्रो पटक सिफारिस गरेपछि जारी भयो संवैधानिक परिषद सम्बन्धी अध्यादेश

काठमाडौं । राष्ट्रपति रामचन्द्र पौडेलले संवैधानिक परिषद सम्बन्धी अध्यादेश जारी गरेका छन् । सरकारले अध्यादेश जारी गर्न साेमबार पुनः राष्ट्रपतिसमक्ष सिफारिस गरेपछि  मंगलबार अध्यादेश जारी भएकाे हाे ।

यसअघि सरकारबाट सिफारिस भएका आठ अध्यादेशहरुमध्ये ७ वटा जारी गरेका राष्ट्रपति पौडेलले संवैधानिक परिषद् सम्बन्धी अध्यादेश भने पुनर्विचारका लागि भन्दै फिर्ता पठाइदिएका थिए । तर, सोमबारको मन्त्रिपरिषद बैठकले अध्यादेश जस्ताकोतस्तै जारी गर्न पुनः सिफारिस गरेको थियो ।  त्यसपछि राष्ट्रपतिले अध्यादेश जारी गरेका हुन् ।

अध्यादेशमा संवैधानिक परिषद्को बैठकमा ४ जना सदस्य उपस्थित भए पुग्ने र उपस्थित सदस्यको बहुमतबाट निर्णय गर्न सकिने व्यवस्था गरिएको छ ।