राेल्पामा जिप दुर्घटना हुँदा १७ जनाकाे मृत्यु

काठमाडौं । रोल्पाको थवाङमा जिप दुर्घटना हुँदा १७ जनाको मृत्यु भएको छ । थवाङ गाउँपालिका-१ जलजलामा रुकुमपूर्वबाट जलजलातर्फ जाँदै गरेको जिप भिरबाट करिब ८ सय मिटर तल खसेर दुर्घटना हुँदा १७ जनाकाे मृत्यु भएकाे हाे ।

प्रहरीका अनुसार लु१ज ४१६७ नम्बरको बोलेरो जिप दुर्घटनामा परेको थियाे ।

वैशाख पूर्णिमाको अवसरमा लाग्ने मेलामा सहभागी हुनेहरूलाई बोकेको जिप दुर्घटनामा परेको प्रहरीले जनाएको छ ।