दुई दिनमा ६ हजार घट्याे सुनकाे मूल्य

काठमाडौं । नेपाली बजारमा पछिल्लाे दुई दिनमा सुनको भाउ तोलामा ६ हजार रुपैयाँ घटेको छ । मंगलबार ३ हजार रुपैयाँ घटेको सुन मूल्य आज बुधबार ३हजार घटेको हो ।

नेपाल सुनचाँदी व्यवसायी महासंघले आजका लागि सुनको मूल्य प्रतितोला २ लाख ९४ हजार ५ सय रुपैयाँ तोकेको छ । सोमबार ३ लाख ५ सय रुपैयाँमा कारोबार भएको थियो । मंगलबार २ लाख ९७ हजार ५ सयमा काराेबार भएकाे थियाे ।

माघ १५ गते सुनको भाउ हालसम्मकै उच्च ३ लाख ३९ हजार रुपैयाँ पुगेको रेकर्ड छ ।

आज चाँदीकाे भाउ प्रतितोला ३० रुपैयाँ घटेको छ । हिजो प्रतितोला ४ हजार ९४५ रुपैयाँमा कारोबार भएको चाँदी आज ४ हजार ९१५ रुपैयाँमा झरेको हाे ।