जीवन विकासको मुनाफा ५८ कराेड २२ लाख

विराटनगर । जीवन विकास लघुवित्त वित्तीय संस्थाले ५८ करोड २२ लाख रुपैयाँ खुद नाफा आर्जन गरेको छ ।

आर्थिक वर्ष २०८०-०८१ काे चाैथाे त्रैमाससम्ममा ५८ कराेड २२ लाख मुनाफा आर्जन गरेकाे हाे । याे मुनाफा अघिल्लो आर्थिक वर्षकाे भन्दा ४३.६७ प्रतिशत बढी हो ।  अघिल्लो वर्ष ४० करोड ५२ लाख रुपैयाँ मुनाफा गरेकाे थियाे ।

जीवन विकासकाे खुद ब्याज आम्दानी १ अर्ब ४९ करोड ३० लाखबाट बढेर १ अर्ब ६७ करोड ८ लाख रुपैयाँ कायम भएको छ । खुद ब्याज आम्दानी बढ्दा नाफामा सुधार भएको हाे । कम्पनीको इम्पेयरमेन्ट चार्ज पनि सामान्य अंकले बढेको छ । इम्पेयमेन्ट चार्ज ३७ करोड ३४ लाख रुपैयाँबाट बढेर ३७ करोड ९१ लाख पुगेको छ ।

चुक्ता पुँजी १ अर्ब ३४ करोड ७५ लाख १८ हजार रुपैयाँ रहेको जीवन विकासकाे जगेडा कोषमा १ अर्ब ४३ करोड  ६४ लाख रुपैयाँ जम्मा रहेको छ ।वितरणयोग्य नाफा  ८६ करोड ८२ लाख रुपैयाँ पुगेको छ ।

जीवन विकासको प्रतिसेयर आम्दानी ४३.२१ रुपैयाँ रहेको छ । प्रतिसेयर नेटवर्थ २७१.०३ रुपैयाँ छ ।

जीवन विकासको एनपीएल ४.६६ प्रतिशत कायम भएको छ ।