युनुसको संयोजकत्वमा बङ्गलादेशमा बन्यो अन्तरिम सरकार

विराटनगर । नोबेल शान्ति पुरस्कार विजेता मुहम्मद युनुसको संयोजकत्वमा  बङ्गलादेशको अन्तरिम सरकार गठन भएको छ । उनले मङ्गलबार मात्रै अन्तरिम सरकारको नेतृत्व गर्न तयार रहेको बताएका थिए । 

मंगलबार नै राष्ट्रपति भवनमा भएको एक बैठकले नोबेल पुरस्कार विजेता युनुसलाई नै अन्तरिम सरकारको प्रमुख चुनेको अन्तर्राष्ट्रिय सञ्चार माध्यमहरुले जनाएका छन् । उनलाई सरकार प्रमुख चुन्ने  बैठकमा आरक्षण आन्दोलनको नेतृत्व गरेका विद्यार्थीका प्रतिनिधि र सेनाका प्रमुख समेत सहभागी थिए । 

मुहम्मद युनुस गरिबी विरुद्ध लडेका कारण विश्वप्रसिद्ध नोबेल शान्ति पुरस्कारबाट सम्मानित भएका थिए ।