कोशी लोकसेवा आयोग अध्यक्षमा गुरागाईं

विराटनगर । प्रदेश लोक सेवा आयोग कोशीको अध्यक्षमा महेन्द्रप्रसाद गुरागाईं नियुक्त भएका छन् ।

उनी नेपाल सरकारका पूर्व सचिव हुन् । उनले दुई वर्षअघि सेवाबाट अवकाश पाएका थिए ।

आइतबार बसेको सिफारिस समितिको बैठकले गुरागाईंको नाम सिफारिस गरेको थियो । लगत्तै प्रदेश प्रमुख पर्शुराम खापुङले अध्यक्ष नियुक्त गरे, उनले आइतबार नै शपथग्रहण गरे ।

तेह्रथुमको म्याङ्लुङ पुरानो घर भएका उनी मोरङको मंगलबारेका बासिन्दा हुन् ।

प्रदेश लोक सेवा आयोग ऐन २०७६ अनुसार आयोगको अध्यक्ष पदावधि ६ वर्षको हुन्छ । यसअघिका अध्यक्ष उतम भट्टराईले उमेरहदका कारण अवकाश पाएका थिए ।