एमालेले छाड्यो सरकार, मन्त्रीहरुले बुझाए राजीनामा

काठमाडौं । प्रधानमन्त्री पुष्पकमल दाहाल प्रचण्डलाई भेटेर नेकपा एमालेका मन्त्रीहरुले सामूहिक राजीनामा बुझाएका छन् ।

एमाले र कांग्रेसबीच नयाँ सरकार गठन गर्ने सहमति भएपछि मन्त्रीहरुले बुधबार बेलुका राजीनामा बुझाएका हुन् ।

एमाले मन्त्रीहरुको राजीनामा बुझेपछि प्रधानमन्त्री प्रचण्डले धेरै टिप्पणी गरेनन् ।

एउटा कुरा मात्र भन्छु भन्दै उनले फत्तेमान राजभण्डारीको गीत ‘यस्तो पनि हुँदो रैछ जिन्दगीमा कैले कैले,’ गाएका थिए । प्रधानमन्त्री प्रचण्डले राजीनामा आफूले भोलि स्वीकृत गर्ने बताएका थिए । ।