बास्ता खोलाको बाढी पसेपछि विराटनगर विमानस्थलकाे उडान अवतरण राेकियाे

विराटनगर । विराटनगर विमानस्थलको उडान अवतरण रोकिएको छ । बास्ता खोलाको बाढी विमानस्थलको पार्किङ क्षेत्रमा पसेपछि उडान अवतरण रोकिएको हो ।

विराटनगर महानगरपालिका– ४ मा रहेको विमानस्थलको ट्याक्सी वे र पार्कीङमा खोलाबाट ओभर फ्लो भएर आएको बाढी पसेको थियो । अहिले पानी सुक्नेक्रममा छ ।

विमानस्थलका सूचना अधिकारी युवराज भण्डारीका अनुसार पानी सुक्नेक्रममा रहेकाले अब विमानस्थल खुल्ने बताए । ‘बास्ताबाट ओभर फ्लो भएर आएको पानी ड्रेनबाट निकास हुँदैछ, अब उडान अवतरणका लागि प्राविधिक जाँच हुँदैछ,’ उनले भने,‘ पानी रोकियो भने विमानस्थल खुल्छ ।’ उनका अनुसार बास्ता खोलाको पानी पार्किङ वेमा पसेपछि बाढी आउनसक्ने जोखिममा कारण उडान रोकिएको थियो । पानी घट्नेक्रममा रहेकाले अब खुल्ने बताए ।

२०७८ साल कात्तिकमा केसलीया खोलाको बाढी बास्ता खोला हुँदै विराटगर विमानस्थल भित्र पसेपछि पाँच दिन उडान अवतरण रोकिएको थियो ।