‘पेशागत सफलताका लागि इमानदारिता पहिलो सर्त’

काठमाडौं । प्रधानमन्त्री वालेन्द्र शाह प्रहरी निरीक्षकको दीक्षान्त समारोहमा सहभागी भएका छन् । साेमबार प्रहरी निरीक्षक आधारभूत तालिमको १८४औँ समूहको दीक्षान्त समारोहमा सहभागी भएका हुन् । समाराेहमा उनले  पेशागत सफलताका लागि नैतिकता, निष्ठा र इमानदारीलाई पहिलो सर्तका रूपमा लिनुपर्ने बताएका छन् ।

उनले तालिममा सिकेका कुरा व्यवहारमा उतार्न दीक्षित प्रहरी निरीक्षकहरूलाई निर्देशन पनि दिए । पेशागत आचरण र अनुशासन कायम गर्दै संविधान, प्रचलित कानुन, नियम, कार्यविधि र मापदण्डको पालना गर्नुपर्ने उनको भनाइ थियो ।

जिम्मेवारीप्रति जवाफदेही हुनु पनि पेशागत सफलताका लागि महत्त्वपूर्ण रहेको प्रधानमन्त्री शाहले बताए ।

नेपाल प्रहरीले देशमा शान्ति सुरक्षा कायम गर्ने, अपराध अनुसन्धान गर्ने र नागरिकका स्वतन्त्रताको रक्षा गर्ने जिम्मेवारी निर्वाह गर्नुपर्ने उल्लेख गर्दै प्रधानमन्त्री शाहले कुनै पनि अनुचित प्रभावमा नपरी निष्पक्ष रूपमा काम गर्न निर्देशन दिए ।