कोशी अस्पताल विकास समितिकाे अध्यक्षमा घिमिरे

विराटनगर । कोशी अस्पताल विराटनगरकाे विकास समिति अध्यक्षकाे जिम्मेवारी डा. सुमित घिमिरेले पाएका छन् । स्वास्थ्य तथा जनसंख्यामन्त्री निशा मेहताले समितिको अध्यक्षसहित तीन सदस्य मनोनयन गरेकी हुन् ।

मन्त्रालयका अनुसार डा. सुमित घिमिरे कोशी अस्पताल विकास समितिको अध्यक्षमा नियुक्त भएका छन् । समितिको सदस्यमा ललिता सरदार, डा. नूतन नौलखा र मजहर हुसेन नियुक्त भएका हुन् ।

अध्यक्ष घिमिरेसहित सदस्यहरूले सोमबार नै पद तथा गोपनीयताको शपथ ग्रहण गरेका छन् ।