सुनसरीमा दुर्घटना : दुई जनाकाे मृत्यु

विराटनगर । सुनसरीका दुई ठाउँमा  भएकाे सडक दुर्घटनामा दुई जनाको मृत्यु भएको छ ।

दुहबी नगरपालिका–११ स्थित सिमरबना पुलमा मोटरसाइकल दुर्घटनामा परी रेडियो नेपालका प्राविधिक अधिकृत तथा गढी गाउँपालिका निवासी ५५ वर्षीय प्रकाशलाल थान्दारको मृत्यु भएको छ । उनी मोटरसाइकलसहित पुलबाट करिब १५ मिटर तल खसेका थिए र उपचारका क्रममा मृत्यु भएको प्रहरीले जनाएको छ ।

धरान उपमहानगरपालिका–८ गुराँस चोकमा मोटरसाइकलले उभिरहेको सिटी सफारीलाई ठक्कर दिँदा इटहरी निवासी ५५ वर्षीय राजेन्द्रप्रसाद घिमिरेको मृत्यु भएको छ । उपचारका क्रममा उनको मृत्यु भएको थियो । सफारी चालकलाई नियन्त्रणमा लिई प्रहरीले दुवै घटनाको अनुसन्धान थालेको छ ।