काठमाडौं पठाउने पार्सलमा १८ ग्राम ब्राउन सुगर, एक जना पक्राउ

बुधबार साँझ विराटनगर महानगरपालिका–९ महेन्द्रचोकस्थित एक्सपो एक्सप्रेस कुरियरमार्फत पठाउन लागिएको स्पोर्ट्स सुजलाई एक्स–रे मेसिनमा जाँच गर्दा सोलभित्र लुकाइएको अवस्थामा लागुऔषध फेला परेको हो ।

घटनामा संलग्न भएको आरोपमा प्रहरीले विराटनगर–५ का २४ वर्षीय सुशान्त खड्कालाई प्रहरीले पक्राउ गरेको छ । उनी  पार्सल पुर्याउन विमानस्थल पुगेका थिए ।

प्रारम्भिक अनुसन्धान अनुसार विराटनगरका राघव झाले उक्त पार्सल काठमाडौं पठाउन लगाएका थिए ।

झाको खोजी भइरहेको र पक्राउ परेका खड्कामाथि थप अनुसन्धान गरिरहेको मोरङ प्रहरी प्रवक्ता डिएसपी मकेन्द्रकुमार मिश्रले जानकारी दिए ।