अमेरिका र इरानबीच सैन्य टकराव, युद्धको खतरा झन बढ्यो

काठमाडौं । अमेरिकाले इरानका १७० भन्दा बढी सैन्य केन्द्रहरूमा आक्रमण गरेपछि दुई देशबीचको तनाव बढेकाे छ । अमेरिकी आक्रमणको जवाफमा इरानको ‘इस्लामिक रिभोलुसनरी गार्ड कर्प्स’ (आईआरजीसी) ले बहराइन र कुवेतमा रहेका ८५ अमेरिकी सैन्य अखडामा मिसाइल र ड्रोन प्रहार गरेको दाबी गरेको छ ।

अमेरिकी राष्ट्रपति डोनाल्ड ट्रम्पले इरानसँगको युद्धविराम सम्झौता अन्त्य भएको घोषणा गर्दै अब कुनै सम्झौता नगर्ने बताएका छन् । अर्कोतर्फ, इरानले धम्कीपूर्ण वातावरणमा अमेरिकासँग वार्ता नगर्ने अडान लिएको छ ।

रणनीतिक महत्वको होर्मुज स्ट्रेटमा इरानले अवरोध सिर्जना गरे विश्व अर्थतन्त्रमा गम्भीर असर पर्ने चेतावनीसमेत दिएको छ ।

केहीदिनअघि इरानका पूर्वसर्वोच्च नेता आयातुल्लाह अली खामेनीको अन्त्येष्टि थियाे । कतार र पाकिस्तानले मध्यस्थताको प्रयास गरिरहे पनि क्षेत्रमा युद्धको त्रास कायमै छ । कतार, यूएई र जोर्डनले इरानी हमलाको निन्दा गर्दै यसलाई अन्तर्राष्ट्रिय कानुनको उल्लङ्घन बताएका छन् ।