गणेश नेपालीको अवस्था गम्भीर, उपचार खर्च सरकारले बेहोर्ने

काठमाडौं । राहदानी विभाग अगाडि आत्मदाह प्रयास गरेका गणेश नेपालीको सम्पूर्ण उपचार खर्च नेपाल सरकारले बेहोर्ने भएको छ । उनकाे अवस्था गम्भीर छ ।

उनकाे वीर अस्पतालमा उपचार भइरहेकाे छ । नेपालीलाई थप तथा विशिष्टीकृत उपचारका लागि भारतको नयाँ दिल्लीस्थित अखिल भारतीय आयुर्विज्ञान संस्थान (एम्स) लैजाने तयारी गरेकाे थियाे । तर, उनकाे अवस्था जटिल भएका कारण तत्काल भारत लैजना समस्या भएकाे प्रधानमन्त्री बालेन्द्र शाहको सचिवालयले जनाएको छ ।

घाइतेको स्वास्थ्य अवस्था बुझ्न गृहमन्त्री सुधन गुरुङ र प्रधानमन्त्रीको सचिवालयका सदस्यहरू बिहीबार वीर अस्पताल पुगेका थिए ।  चिकित्सकसँगकाे परामर्शपछि तत्काल भारत लैजान राेकिएकाे हाे ।

त्रिपुरेश्वरस्थित राहदानी विभाग परिसरमा काठमाडाैं नगर प्रहरीले माेटरसाइकलमा लक लगाइदिएपछि आत्मदाह प्रयास गरेका २६ वर्षीय गणेश नेपाली अहिले जीवन र मृत्युबीच संघर्ष गरिरहेका छन् । अनुहार, घाँटी, छाती, दुवै हात र खुट्टाको केही भाग गम्भीर रूपमा जलेको छ । गणेशले दाजु मदनसँग महानगर प्रहरीले गर्दा भएको हो…। आमा–बुवालाई राम्रो गर्नू भनेका थिए ।