रास्वपा सभापतिमा रवि लामिछाने निर्विरोध

काठमाडौं । राष्ट्रिय स्वतन्त्र पार्टी (रास्वपा)काे सभापतिमा रवि लामिछाने निर्विरोध निर्वाचित भएका छन् ।

रास्वपा केन्द्रीय निर्वाचन आयोगका प्रमुख भुवन केसीका अनुसार लामिछाने सभापतिमा निर्विरोध निर्वाचित भएका हुन् ।

प्रधानमन्त्री समेत रहेका वरिष्ठ नेता बालेन शाहको प्रस्ताव र ५१ जना सदस्यहरूको समर्थनमा लामिछानेले मनाेनयन दर्ता गरेका थिए । अन्य उम्मेदवारी नपरेपछि निर्विरोध निर्वाचित भएको केसीले जानकारी दिए ।

‘५१ जना केन्द्रीय समिति, सांसद र सचिवालय सदस्य सबैले समर्थन गरेर उहाँ निर्विरोध निर्वाचित भइसक्नुभएको छ,’ केसीले भने ।

केन्द्रीय सदस्यहरुका लागि भने आज मतदान हुनेछ ।