दीपक भट्ट र सुलभ अग्रवाल कारागार चलान

काठमाडौं । सम्पत्ति शुद्धीकरण मुद्दामा विशेष अदालतले चर्चित व्यवसायीद्वय दीपक भट्ट र सुलभ अग्रवाललाई पुर्पक्षका लागि थुनामा पठाउन आदेश दिएको छ ।

सम्पत्ति शुद्धीकरण मुद्दामा थुनछेक बहस सकिएपछि अदालतले बुधबार थुनामा पठाउने आदेश भएको हाे ।

विशेष अदालतका अध्यक्ष सुदर्शनदेव भट्ट तथा सदस्य न्यायाधीशहरू उमेश कोइराला र विदुर कोइरालाको संयुक्त इजलासमा आरोपीहरूको बयान लिइएको थियो ।

बयान सकिएलगत्तै भएको थुनछेक बहसपछि अदालतले उनीहरूलाई थुनामै राखेर मुद्दाको किनारा लगाउन आदेश जारी गरेको हो।