एमालेले मीनबहादुर गुरूङकाे जग्गा फिर्ता गर्ने

काठमाडौ । व्यवसायी मीनबहादुर गुरूङले अनुदानमा बनाइिदने कार्यालय भवन नलिने एमालेले निर्णय गरेकाे छ ।

गुरुङले जग्गा दानसहित भवन निर्माण गर्ने घाेषणा गरेका थिए । भवनकाे  शीलन्यास पनि भएकाे थियाे । तर, पछिल्लाे समय गुरुङको प्रस्तावलाई नेकपा एमालेले धन्यावादसहित फिर्ता गर्ने  भएकाे हाे । सचिवालय बैठकमा प्रस्तुत प्रस्तावमा गुरुङबाट दानमा लिने भनिएको भवनको प्रस्ताव फिर्ता गरेर बल्खुमै कार्यालय बनाउने उल्लेख छ ।

‘कलंकीमा भवन निर्माणको प्रस्ताव गर्ने दाता (मीनबहादुर गुरुङ दम्पत्ति)लाई धन्यवादसहित उहाँहरूको प्रस्ताव फिर्ता गर्ने र अब नयाँ कार्यालय भवन मदननगर, बल्खुमै निर्माण गर्ने निर्णय गर्ने,’ एमालेको प्रस्ताव छ ।

गुरुङले दानमा दिने भनेको भवनको शिल्यान्यास ०८१ असोजमा एमाले अध्यक्ष केपी शर्मा ओली र गुरुङ दम्पतीले गरेका थिए । तर उक्त भवन निर्माण भएको थिएन । सचिवालय बैठकले अब बल्खुमै केन्द्रीय कार्यालय बनाउने प्रस्ताव अगाडि बढाएको छ ।