प्रधानमन्त्रीकाे विराेधमा श्रम संस्कृति पार्टीका सांसदले सभामुखलाई देखाए प्ले कार्ड

काठमाडौं । प्रतिनिधिसभा बैठकमा श्रम संस्कृति पार्टीका सांसद प्ले कार्डसहित उपस्थित भएका छन् । प्रधानमन्त्री बालेन शाहको विरोधमा उनीहरु छातीमा प्ले कार्ड टासेर उपस्थित भएका हुन् ।

प्रधानमन्त्री प्रश्नदेखि भाग्न नपाउने लगायतका माग राखेर श्रम संस्कृति पार्टीका संसदीय दलका नेता हर्क साम्पाङ सहितका सांसदहरूले छातीमा प्लेकार्ड राखेर विरोध गरेका छन् । सभामुख डिपी अर्यालले संसदकाे मर्यादा कायम राख्न  आग्रह गरेका छन् ।

यसअघि विपक्षी दलहरूले प्रधानमन्त्री बालेन्द्र शाहले नै नीति तथा कार्यक्रममाथि उठेका प्रश्नको जवाफ दिनुपर्ने माग गरेका थिए । तर, प्रधानमन्त्री उपस्थित भएनन् । प्रधानमन्त्रीको तर्फबाट अर्थमन्त्री स्वर्णिम वाग्लेले जवाफ दिएका थिए ।