ओडीआई क्रिकेटमा सन्दीप लामिछानेकाे कीर्तिमान

काठमाडौं । नेपाली क्रिकेटर सन्दीप लामिछानेले ओडीआई क्रिकेटमा अष्ट्रेलियन बलर मिचेल स्टार्कको कीर्तिमान तोडेका छन् । लामिछानेले सबैभन्दा छिटो १५० विकेट लिने बलरको कीर्तिमान बनाएका हुन् ।

आईसीसी क्रिकेट विश्वकप लिग टु अन्तर्गत स्कटल्याण्डविरुद्ध २ विकेट लिएपछि सन्दीपले ७३ खेलमै १५० विकेट लिएर उक्त कीर्तिमान बनाए । स्टार्कले ७७ खेलमा १५० विकेट लिएका थिए ।

सन्दीप ओडीआईमा सबैभन्दा छिटो १०० विकेट लिने खेलाडी समेत हुन् । सन्दीपले ४२ खेलमै उक्त उपलब्धि हासिल गरेका थिए । सन् २०१८ मा नेदरल्याण्डसविरुद्ध खेल्दै ओडीआई डेब्यु गरेका २५ वर्षीय सन्दीपले नेपालका लागि ७३ खेलमा १५१ विकेट लिइसकेका छन् । उनले ब्याटिङमा पनि ५०० रन बनाएका छन् । उनले ७४ टी-२० आई खेलमा १३६ विकेट लिएका छन् ।