सीमा क्षेत्रमा ३२ लाख रुपैयाँ बरामद

विराटनगर । सशस्त्र प्रहरीले मोरङको सिमावर्ती क्षेत्रबाट २० लाख भारतीय रुपैयाँ (नेपाली ३२ लाख) बरामद गरेको छ ।

रतुवामाई नगरपालिका–२ घररुचोक नजिकको सीमा क्षेत्रबाट आइतबार राति अवैध रकम बरामद गरेको हो ।

भारतबाट नेपालतर्फ प्रवेश गरिरहेका व्यक्तिमाथि निगरानी गर्ने क्रममा साथमा बोकेको झोला फालेर उनीहरु फरार भएकाे प्रहरीले बताएकाे छ । बरामद रकममा पाँच सय दरका ४० बण्डल भारतीय नोट रहेको सशस्त्रले जनाएको छ ।