पाँच स्थानमा जीवन विकासकाे केन्द्र प्रमुख गोष्ठी तथा वित्तीय साक्षरता कार्यक्रम

विराटनगर । जीवन विकास लघुवित्त वित्तीय संस्थाकाे पाँच वटा शाखा कार्यालयले एकैदिन केन्द्र प्रमुख गोष्ठी तथा वित्तीय साक्षरता कार्यक्रम सम्पन्न गरेको छन् ।

संस्थाको सेवालाई थप प्रभावकारी बनाउने र सदस्यहरूको क्षमता अभिवृद्धि गर्ने उद्देश्यले बिहीबार हनुमान चोक, हरिनगर, बबियाविर्ता, छिन्नमस्ता र टाँडीमा कार्यक्रम सम्पन्न गरेका हुन् ।

कार्यक्रमका अवसरमा प्रत्येक शाखाबाट ५-५ जना अतिविपन्न बालबालिकाहरूको अभिभावकत्व ग्रहण गरेका छन् । ती बालबालिकाहरूलाई संस्थाका तर्फबाट शैक्षिक सामग्री समेत वितरण गरिएको थियो । गोष्ठीमा संस्थाका विभागीय प्रमुखहरूले सहभागी सदस्यहरूलाई वित्तीय साक्षरता, बचतको महत्त्व र ऋणको सदुपयोगिताका विषयमा जानकारी गराएका थिए ।

सोही अवसरमा संस्थामा आबद्ध भएर उत्कृष्ट कार्य गर्ने सदस्य र केन्द्रहरूलाई पुरस्कृत गरिएको थियाे । शाखा कार्यालयहरुले उत्कृष्ट अधिकृत टेलर सदस्य, उत्कृष्ट बचतकर्ता, उत्कृष्ट ऋणी, उत्कृष्ट उद्यमीलाई पनि पुरस्कृत गरेका थिए । घरदैलोमै पुगेर वित्तीय, सामाजिक र डिजिटल सेवा प्रवाह गर्दै आएको जीवन विकासले आफ्ना सदस्यहरूलाई आर्थिक र सामाजिक स्तर उकास्नका लागि सहयाेग गर्दै आएकाे छ ।