फेरि बढ्याे सार्वजनिक यातायातको भाडा

काठमाडौं । सार्वजनिक यातायातको भाडा फेरि वृद्धि भएकाे छ । यातायात व्यवस्था विभागले इन्धनको मूल्य वृद्धि भएसँगै अन्तरप्रदेशमा सञ्चालन हुने सार्वजनिक यातायातमा भाडा बढाएको हो । बढेको भाडा आज बुधबारदेखि नै लागु हुने विभागले जनाएको छ ।

अन्तरप्रदेश यात्रुबहाक सवारी, पहाडी बाटोमा सञ्चालन हुने मालबहाक र तराईको बाटोमा सञ्चालन हुने मालबाहक सवारी साधनमा समान ५–५ प्रतिशतका दरले भाडा बढाइएको छ ।

यसअघि चैत २५ गते पनि भाडा वृद्धि भएकाे थियाे । भाडा बढाउन भौतिक पूर्वाधार तथा यातायात मन्त्रालयले विभागले १२ वैशाखमा सहमति दिएको थियो । सोहीअनुसार सार्वजनिक सवारीसाधनको भाडा बढाइएको विभागले जनाएको छ ।

विद्युतीय सवारीसाधनले भने भाडा बढाउन नपाउने विभागले जनाएको छ ।