बढ्याे सुनचाँदीकाे भाउ

काठमाडौं । नेपाली बजारमा आइतबार सुनचाँदीको भाउ बढेकाे छ । नेपाल सुनचाँदी व्यवसायी महासंघका अनुसार सुनकाे भाउ २ हजार ७ सय रुपैयाँ बढेको हाे ।

आज सुन प्रतितोला २ लाख ९९ हजार २ सय रुपैयाँमा काराेबार भइरहेकाे छ । अघिल्लो दिन २ लाख ९६ हजार ५ सय रुपैयाँमा सुनको कारोबार भएको थियो । गत आइतबार ३ लाख १ हजार रुपैयाँमा सुनको कारोबार भएको थियो ।

अघिल्लो दिनको तुलनामा चाँदी प्रतितोला ५० रुपैयाँ बढेको हो । शुक्रबार प्रतितोला ४ हजार ९४५ रुपैयाँमा कारोबार भएको चाँदी आज ४ हजार ९९५ रुपैयाँमा पुगेको छ ।

गत आइतबार चाँदी प्रतितोला ५ हजार २२५ रुपैयाँमा कारोबार भएको थियो ।