विराटनगरमा वर्षा

विराटनगर । आइतबार बिहान विराटनगरसहित पूर्वका विभिन्न स्थानमा वर्षा भएको छ । शनिबार राति पनि विराटनगरमा सामान्य वर्षा भएको थियो । आइतबार बिहान चट्याङसहित वर्षा भएको हो ।

मौसम पूर्वानुमान महाशाखाका अनुसार आज विराटनगरसहित कोशी प्रदेशको विभिन्न स्थान, बागमती र गण्डकी प्रदेशका केही स्थानहरूमा तथा मधेशसहित लुम्बिनी, कर्णाली र सुदूरपश्चिम प्रदेशका पहाडी तथा हिमाली भागका केही स्थानमा मेघगर्जन तथा चट्याङसहित मध्यम वर्षा तथा हिमपातको सम्भावना छ ।

लुम्बिनी र सुदूरपश्चिम प्रदेशका तराईमा तापक्रम बढ्ने सम्भावना छ ।

आज राति कोशी, मधेश, बागमती र गण्डकी प्रदेश लगायत लुम्बिनी, कर्णाली तथा सुदूरपश्चिम प्रदेशका हिमाली भागका केही स्थानमा हल्का वर्षा तथा हिमपात हुने सम्भावना छ ।