विराटनगरकाे मसाज सेन्टरमा प्रहरीकाे छापा, ३६ जना पक्राउ

विराटनगर । विराटनगरका विभिन्न स्थानमा रहेका स्पा तथा मसाज सेन्टरमा छापा मारेको प्रहरीले ३६ जनालाई नियन्त्रणमा लिएकाे छ ।

स्पा तथा मसाज सेन्टरमा अनैतिक क्रियाकलाप हुने गरेको गुनासो बढेपछि शनिबार विराटनगर महानगरपालिका– १३, १४ र १५ काे विभिन्न स्थानमा सञ्चालित स्पाहरुमा छापा मारेको हाे । साे क्रममा शंकास्पद गतिविधि गर्ने ३६ जनालाई नियन्त्रणमा लिएकाे प्रहरीले जनाएकाे छ ।

इलाका प्रहरी कार्यालय रानीबाट प्रहरी निरीक्षक कबिन राईको नेतृत्वमा खटिएको टोलीले विराटनगर–१४ स्थित ‘किपु स्पा’ले कानुनी मापदण्ड पुरा नगरेको फेला परेकाे थियाे ।