सुकुम्बासी बस्तीमा चल्याे डाेजर

काठमाडौं । बागमती नदी किनार थापाथलीमा रहेको सुकुम्वासी बस्ती स्काभेटरले घर टहरा हटाउन सुरु गरेको छ ।

सार्वजनिक जग्गा र नदी कोरिडोर अतिक्रमण गरेर बनाइएका अनधिकृत संरचनाहरू खाली गर्ने सरकारी अभियानअन्तर्गत शनिबार बिहानबाट टहरा भत्काउन सुरु गरेकाे हाे ।

बस्ती हटाउने क्रममा सम्भावित झडप र तनावको स्थितिलाई मध्यनजर गर्दै बाक्लो सङ्ख्यामा सुरक्षाकर्मी परिचालित छन् ।

बस्तीमा पुगेका नेपाल प्रहरी र नगर प्रहरीका जवानहरूले सुकुमवासीहरूका सरसामान आफैँ बोकेर सुरक्षित स्थानमा सार्न मद्दत गरिरहेका छन् ।