विराटनगर महानगरपालिकाले हटाउन थाल्याे फुटपाथकाे अतिक्रमण

विराटनगर । विराटनगर महानगरपालिकाले बजार क्षेत्रको फुटपाथ अतिक्रमण हटाउन सुरु गरेकाे छ । शुक्रबार उपप्रमुख शिल्पा निरला कार्कीसहितकाे टाेलीले बजार क्षेत्रकाे अतिक्रमण हटाउन सुरु गरेकाे हाे ।

महानगरपालिकाले बजार क्षेत्रमा फुटपाथलाई असर नगर्नेगरी सामग्री राख्न सुचना जारी गरेकाे थियाे । व्यवसायीले अटेर गरेपछि शुक्रबारबाट हटाउने अभियान सुरु गरेकाे हाे ।

महानगरपालिकाले पसलको सटर बाहिर कुनै पनि व्यापारिक सामग्री नराख्न आग्रह गरेकाे छ । सडकपेटीमा निर्माण सामग्री थुपार्न, मोटरसाइकल ग्यारेजका सामान राख्न र मापदण्डविपरीत कवाडी व्यवसाय सञ्चालन गर्न निषेध गरेकाे छ । यसअघि महानगरले दुई दिनसम्म माइकिङ गरेर व्यवसायी र सर्वसाधारणलाई सचेत गराएकाे थियाे ।