पिकनिक खाएर फर्किदै गरेका पुरुषको मृत्यु

विराटनगर । पिकनिक खाएर घरतर्फ फर्किदै गरेका एक जना पुरुषको भिरबाट लडेर मृत्यु भएको छ । बुधबार माेरङकाे केराबारी गाउँपालिका–१ सेलेङका अन्दाजी ४८ वर्षीय अटलबहादुर मगरको मृत्यु भएको हाे ।

मोरङ प्रहरीका सूचना अधिकारी, डीएसपी लीलाराज लामिछानेका अनुसार जगरे भन्ने ठाउँबाट पिकनिक खाएर फर्किदै गरेका बेला अचानक भिरबाट लडेर मगरको मृत्यु भएको हाे । अनुसन्धानका लागि इलाका प्रहरी कार्यालय बेलबारीबाट टोली परिचालन गरिएको उनले बताए ।