रहिनन् गायीका आशा भोसले

काठमाडाैं । भारतकी चर्चित गायिका आशा भोसलेको निधन भएकाे छ । ९२ वर्षको उमेरमा आइतबार उनकाे निधन भएको हाे ।

केही महिनादेखि अस्वस्थ रहेकी उनलाई शनिबार मुटु र श्वासप्रश्वाससम्बन्धी समस्या देखिएपछि मुम्बईस्थित ब्रिच क्यान्डी अस्पतालमा भर्ना गरिएको थियो । गम्भीर अवस्थामा अस्पताल लगिएकी उनलाई शनिबार राति आईसीयूमा राखेर उपचार भइरहेको थियो । उपचारकाे क्रममा उनकाे निधन भएकाे हाे ।

७ दशकभन्दा लामो संगीत यात्रामा उनले १२ हजार बढी गीत गाएकी छन् । भारतीयमा मात्र होइन, विश्व संगीतमासमेत उनकाे गहिरो प्रभाव छ ।

उनको निधनसँगै भारतीय संगीतले एउटा महत्वपूर्ण युग गुमाएको छ । उनको अन्त्येष्टि भोलि सोमबार गरिने परिवारले जनाएको छ ।

भारतीय सिनेमाकी सबैभन्दा सफल, लोकप्रिय र सक्रिय गायिका भोसले सन् १९३३ मा जन्मिएकी थिइन् । आशाले ९ वर्षको उमेरदेखि नै व्यावसायिक रूपमा गायन सुरु गरेकी थिइन्  । उनले सन् १९४३ मा पहिलो फिल्म गीत रेकर्ड गरेकी थिइन् भने १९५० को दशकसम्म आइपुग्दा बलिउडमा आफ्नै पहिचान स्थापित गरिसकेकी थिइन् ।