विराटनगरको डिग्री क्याम्पसमा पनि एलएलबी पढाइ हुने

विराटनगर । विराटनगरकाे डिग्री क्याम्पसमा पनि एलएलबीकाे अध्यापन हुने भएकाे छ । त्रिभुवन विश्वविद्यालयले कानुन सङ्कायले शैक्षिक सत्र २०८२ /०८३ का लागि विराटनगरस्थित डिग्री क्याम्पसमा पनि ३ वर्षे एलएलबी अध्यापन सुरु गर्ने भएकाे हाे ।

त्रिवि कानुन सङ्काय, डीनको कार्यालयले सार्वजनिक गरेको सूचना अनुसार, शैक्षिक कार्यक्रम विस्तार गरिएका क्याम्पसहरूको सूचीमा विराटनगरको डिग्री क्याम्पसलाई पनि समावेश गरिएको हो । यो क्याम्पसका लागि एलएलबी तहमा ३०० वटा सिट निर्धारण गरिएको छ ।

यसअघि त्रिभुवन विश्वविद्यालयले विराटनगरमा कानुनको अध्यापन गराएको थिएन् ।

त्रिविले देशभरका आङ्गिक तथा सम्बन्धन प्राप्त क्याम्पसहरूमा ३,८०० विद्यार्थीका लागि भर्ना खुला गरेको छ । भर्ना हुन इच्छुक विद्यार्थीहरूले चैत ३० गतेदेखि आवेदन दिन सक्नेछन् ।