पक्राउ परेकाे १३ दिनपछि छुटे पूर्वप्रधानमन्त्री र गृहमन्त्री

काठमाडौं । पूर्वप्रधानमन्त्री एवम् नेकपा एमालेका अध्यक्ष केपी शर्मा ओली रिहा भएका छन् । पक्राउ परेकाे १३ दिनपछि उनलाई परिवारको जिम्मा लगाइएको हाे ।

जिल्ला प्रहरी परिसर काठमाडौंका एसपी पवनकुमार भट्टराई परिवारकाे जिम्मा जमानीमा छाडिएकाे जानकारी दिए । प्रहरीले पूर्वगृहमन्त्री रमेश लेखकलाई पनि छाडेकाे छ ।

जेनजी आन्दोलनमा दमन गरेको आरोपमा प्रहरीले उनलाई चैत १४ गते गुण्डु निवासबाट पक्राउ गरेको थियो । जटिल स्वास्थ्य अवस्थाका कारण उनी त्रिवि शिक्षण अस्पतालमा बसेका थिए । ओलीकी पत्नी राधिका गैरकानूनी हिरासतमा राखिएको भन्दै सर्वोच्च अदालतमा बन्दीप्रत्यक्षीकरणको निवेदन दिएकी थिइन् । सर्वोच्च अदालतले चैत २३ गते बेलुका पूर्वप्रधानमन्त्री केपी शर्मा ओली र तत्कालीन गृहमन्त्री रमेश लेखकमाथिको अनुसन्धान २६ चैत बिहीबारभित्र टुंग्याउन आदेश दिएको थियो । अनुसन्धान टुंगिन नसकेमा शर्तसहित छाड्न आदेश दिएको थियो ।