राेकिएन सेयर बजारकाे पहिराे

काठमाडौं । सेयर बजार आइतबार भारी अंकले घटेको छ । सेयर बजारको परिसूचक नेप्से अघिल्लो दिनको तुलनामा १०५.५० अंक (३.७९ प्रतिशत) घटेको हो । आज १२ अर्ब ३८ करोडको काराेबार भयो ।

नेप्से परिसूचक २६७६ अंकमा कायम भएको छ । गत बिहीबार नेप्से ५.८२ अंक नेप्से बढेको थियो । नयाँ सरकार गठन भएपछि सेयर बजार हालसम्म २८४ अंकले घटेको छ । सरकार गठन हुनुअघि २९६० अंकमा थियो ।

नयाँ सरकार गठन भएपछि व्यवसायीमाथि धरपकड सुरु भएसँगै बजार बढी त्रसित देखिएको स्टक ब्रोकर एसोसिएसन अफ नेपालका पूर्व अध्यक्ष नरेन्द्र सिँजापति बताउँछन् ।