अब सरकारी कार्यालय खुल्ने समय बिहान ९ बजेदेखि ५ बजेसम्म

काठमाडौं । सरकारले सरकारी कार्यालय खुल्ने समय परिवर्तन गरेकाे छ । आइतबार बसेकाे मन्त्रिपरिषद् बैठकले बिहान ९ बजेदेखि साँझ ५ बजेसम्म कार्यालय खुला हुने निर्णय गरेको हाे ।

आइतबार बसेको मन्त्रिपरिषद् बैठकले शैक्षिक संस्थाबाहेकका कार्यालयहरूको कार्यालय समय ९ देखि ५ बजेसम्म कायम गर्ने निर्णय गरेको हो । सरकारका प्रवक्ता एवं शिक्षामन्त्री सस्मित पोखरेलका अनुसार, उक्त समय शैक्षिक संस्थाबाहेकका सरकारी कार्यालयका हकमा लागू हुनेछ ।

शनिबार र आइतबार सरकारी कार्यालय र शैक्षिक संस्थामा बिदा दिने निर्णय पनि गरेको छ । पेट्रोलियम पदार्थको आपूर्तीमा देखिएको समस्याका कारण यस्तो निर्णय भएको सरकारले जनाएको छ ।

बैठकले आगामी शैक्षिक सत्र २०८३ वैशाख १५ गतेबाट सुरु गर्ने निर्णय पनि गरेकाे छ ।