चैत २८ गतेदेखि विराट गोल्डकप

विराटनगर । चैत २८ गतेदेखि ‘विराट गोल्डकप’ फुटबल प्रतियोगिता सुरु हुने भएको छ । प्रतियाेगिता वैशाख ५ गतेसम्म सञ्चालन हुनेछ । प्रतियोगितामा भारत र भारतका आठ टोलीको सहभागिता रहनेछ ।

आयोजक विराट गोल्डकप ट्रस्टका प्रवक्ता धनकुमार लामाका अनुसार प्रतियोगिताको उद्घाटन खेलमा पूर्वविजेता झापा ११ र विभागीय टोली त्रिभुवन आर्मी क्लबबीच प्रतिस्पर्धा हुनेछ । दोस्रो खेलमा सशस्त्र प्रहरी बलको एपीएफ एफसी र सहिद स्मारक ‘ए’ डिभिजन लिग विजेता तथा साविक उपविजेता चर्च ब्वाइज युनाइटेडबीच हुनेछ ।

तेस्रो खेलमा नेपाल पुलिस क्लब र मच्छिन्द्र फुटबल क्लबबीच हुनेछ । चाैथाे खेल बैशाख १ गते माेरङकाे सम्राट स्पोर्टिङ क्लब र भारतको झारखण्डबीच हुनेछ ।

विराटनगरस्थित सहिद मैदानमा दिवा–रात्रीकाे समयमा सञ्चालन हुने प्रतियोगिताको विजेताले ट्रफीसहित ११ लाख रुपैयाँ प्राप्त गर्नेछन् । नोबेल मेडिकल कलेज मुख्य प्रायोजक रहेको गोल्डकपलाई कोशी प्रदेश सरकार, विराटनगर महानगरपालिका र राष्ट्रिय खेलकुद परिषद्ले प्रवर्द्धन गरेका छन् ।

२०१८ सालमा महेन्द्र गोल्डकपका नामबाट सुरु भएको यो प्रतियोगिताकाे २०६७–६८ सालमा नाम परिवर्तन गरी ‘विराट गोल्डकप’ राखिएकाे थियाे ।