इरानबाट भारत आउने तयारीमा रहेकाे विमानमा अमेरिकी आक्रमण

काठमाडौं । अमेरिकी हवाई हमलामा इरानबाट भारतको राजधानी नयाँदिल्ली आउने तयारीमा रहेको एउटा विमान क्षतिग्रस्त भएको छ । सोमबार औषधि र अन्य अत्यावश्यक राहत सामग्री ल्याउन भारत आउने तयारीमा रहेकाे महान एयरलाइन्सको विमान अमेरिकी हमलामा क्षतिग्रस्त भएको हो । यो विमान मशहद विमानस्थलमा पार्क गरिएको थियो ।

अमेरिका–इजरायल र इरानबीच एक महिनायता युद्ध जारी छ । युद्धका कारण इन्धन र अन्य सामग्री ढुवानीमा समस्या देखिएपछि विश्वभर महङ्गी बढेकाे छ । एक महिनायता जारी तनाव साम्य हुने संकेत भने अझै प्रष्ट रुपमा देखिएको छैन ।

यसबीच युरोपेली संघ (ईयू) ले इरानमाथि लगाइएका मानवअधिकारसम्बन्धी प्रतिबन्धहरूलाई थप एक वर्षका लागि विस्तार गरेको छ । अब यी प्रतिबन्धहरू १३ अप्रिल २०२७ सम्म लागू रहनेछन् । ईयूले भनेको छ– प्रतिबन्धित व्यक्ति तथा संस्थाहरूले युरोपेली देशहरूमा यात्रा गर्न पाउने छैनन् र उनीहरूको सम्पत्ति जफत वा फ्रिज गरिनेछ । साथै, नागरिकमाथि निगरानी वा दमन गर्न प्रयोग हुन सक्ने उपकरणहरू इरानमा निर्यात गर्न पनि रोक लगाइने छ ।’