पूर्वप्रधानमन्त्री देउवा दम्पतीमाथि पनि अनुसन्धान

काठमाडौं । पूर्वप्रधानमन्त्री केपी शर्मा ओली, पूर्वगृहमन्त्री रमेश लेखक र कांग्रेस नेता दीपक खड्कालाई पक्राउ गरी अनुसन्धान सुरु गरेको सरकारले पूर्वप्रधानमन्त्री शेरबहादुर देउवा दम्पतीमाथि अनुसन्धान सुरु गरेको छ । ओली र लेखक जेनजी आन्दाेलन दमक आराेपमा पक्राउ परेका हुन् ।  खड्क सम्पति शुद्धिकरण मुद्दामा पक्राउ परेका हुन् ।

बालेन शाह नेतृत्वकाे सरकारले कांग्रेस पूर्वसभापति देउवा र उनकी पत्नि आरजु राणा देउवामाथि सम्पति शुद्धिकरण आराेपमा अनुसन्धान अघि बढाएको हो ।

त्यसक्रममा देउवा र उनका परिवारका सदस्यहरुको सम्पत्ति विवरण संकलन भएको छ । प्रमाण नष्ट गर्नसक्ने आशंकामा बूढानीलकण्ठस्थित देउवा निवास परिसरमा घर भत्काउने काम प्रहरीले रोकेको छ ।

सत्ताको आडमा अस्वभाविक र गैरकानुनी सम्पत्ति आर्जन गरेको आरोपमा यसअघि नै देउवा परिवारविरुद्ध सम्पत्ति शुद्धीकरण अनुसन्धान विभागमा उजुरी परेको थियो । यसअघि नै जुटाइएका सूचना र प्रमाणहरु संकलन गरेर अनुसन्धान थप अघि बढाएको स्रोतले बतायो । पछिल्लो एक–डेढ वर्षमा जयवीर देउवा र उनले नजिकका नातेदारहरुका नाममा किनेको करिव ७३ रोपनी जग्गाको विवरणहरु संकलन भएको छ ।

शेरबहादुर देउवाका नातेदार प्रदीपशम्सेर जबरा, भुषण राणालगायतबाट जयवीर र अन्य व्यक्तिको खातामा भएको कारोवारको विवरण पनि अध्ययन भइरहेको स्रोतले बतायो । शेरबहादुर र आरजु भने  विदेशमा छन् ।