अमेरिकी राष्ट्रपति डोनाल्ड ट्रम्पविरुद्ध प्रदर्शन

काठमाडौं । अमेरिकी राष्ट्रपति डोनाल्ड ट्रम्प र उनको प्रशासनका नीतिहरूविरुद्ध अमेरिकाका प्रमुख सहरदेखि साना सहरमा प्रदर्शन भएको छ । यसअघि पनि लाखौं मानिसहरूले सडकमा उत्रिएर असन्तुष्टि जनाएका थिए ।

शनिबार अमेरिकाभर ३,००० भन्दा बढी स्थानमा साना–ठूला र्‍यालीहरू आयोजना गरिएका छन् । प्रदर्शनकारीहरूको मुख्य निशानामा ट्रम्प प्रशासनले अघि सारेका नीतिहरू रहेका छन्, जसमा विशेषगरी इरानसँगको युद्ध, कडा संघीय अध्यागमन नीति र देशमा चुलिँदै गएको महँगी प्रमुख छन् ।

आन्दोलनरत पक्षले बताए अनुसार लोकतन्त्रको रक्षा र निरंकुशताको विरोधमा गरिएको शान्तिपूर्ण नागरिक विद्रोह हो । किङ्ग्स ट्रम्प हामीमाथि एक निरंकुश शासकको रूपमा शासन गर्न चाहन्छन् । तर यो अमेरिका हो र यहाँको शक्ति जनताको हातमा छ– कुनै राजा बन्न खोज्ने व्यक्ति वा तिनका अर्बपति आसेपासेहरूको हातमा होइन, आन्दोलनकारीले विज्ञप्ति मार्फत भनेका छन् ।

यता राष्ट्रपति कार्यालय ह्वाइट हाउसले भने प्रदर्शनहरूलाई सामान्य रुपमा लिएको छ । ह्वाइट हाउसका प्रवक्ताले ट्रम्पप्रतिको अन्धविरोधबाट मुक्त हुने थेरापीको आन्दोलन भएको जनाएका छन् ।