पूर्वप्रधानमन्त्री ओली र पूर्वगृहमन्त्री लेखक पक्राउ

काठमाडौं । पूर्वप्रधानमन्त्री तथा नेकपा एमाले अध्यक्ष केपी शर्मा ओली पक्राउ परेका छन् । उनीसँगै पूर्वगृहमन्त्री रमेश लेखक पनि पक्राउ परेका छन् ।

रास्वपाका वरिष्ठ नेता बालेन शाह नेतृत्वमा सरकार बनेको १८ घण्टाभित्रै   (शनिबार बिहान) पक्राउ परेका हुन् । मन्त्रिपरिषदको निर्णय कागजातसहित निवासमा पुगेको प्रहरी टोलीले ओली र लेखकलाई पक्राउ गरेको हो । उपत्यका अपराध अनुसन्धान कार्यालयको टोलीले दुवै नेतालाई निवासबाटै पक्राउ गरेर प्रहरी कार्यालय ल्याएकाे छ ।

ओली नेतृत्वमा सरकार रहेका बेला भदौ २३ र २४ गते जेनजी आन्दोलन भएको थियो । ७६ जनाको ज्यान जानेगरी भएको आन्दोलनको छानविन गर्न पूर्वन्यायाधीश गौरीबहादुर कार्की नेतृत्वको गठित आयोगले दुई नेतालाई मुख्य दाेषी देखाएकाे थियाे ।