पूर्वाञ्चल क्याफेकाे आगलागी नियन्त्रणमा आयाे

विराटनगर । सुनसरीको इटहरीमा रहेको पूर्वाञ्चल बेकरी क्याफेमा भएको आगलागी नियन्त्रणमा आएको छ ।

धरान रोडमा रहेको क्याफेको भान्साबाट बिहान करिब १० बजेदेखि सुरु भएको आगलागी सुरक्षाकर्मी, स्थानीयवासी तथा छिमेकी पालिकाबाट आएका दमकलको सहयोगमा करिब एक घण्टापछि नियन्त्रणमा लिइएको हो ।

आगलागीको कारण र क्षतिको यकिन विवरण अझै सार्वजनिक भएको छैन । आगो नियन्त्रणका लागि धरान, इनरुवा र रामधुनी नगरपालिकाका दमकल प्रयोग गरिएको थियो । इटहरी उपमहानगरपालिकाकाे दुई वटा दमकल भने जेन–जी आन्दोलनका क्रममा जलेकाे थियाे ।