रास्वपाकाे दुई तिहाइका लागि दुई सिट पुगेन

काठमाडौं । प्रतिनिधि सभा निर्वाचनबाट राष्ट्रिय स्वतन्त्र पार्टीले दुई तिहाइ नजिक सिट जितेकाे छ । प्रत्यक्षमा १२५ सिट जितेको रास्वपाले समानुपातिक तर्फ ५७ सिट पाउनेछ ।रास्वपाकाे कुल १८२ सिट पुग्नेछ । याे दुई तिहाइ बहुमतबाट मात्र दुई सिट कमि हाे । २७५ सदस्यीय प्रतिनिधि सभामा दुई तिहाइका लागि १८४ सिट आवश्यक पर्छ ।

निर्वाचन आयोगले आयोगले समानुपातिक मतको आधारलाई समेत लिएर सिट निर्धारण गरेपछि मात्र यकिन संख्या आउनेछ । तर आयोगले सिट विभाजनका लागि प्रयोग गर्ने ‘सेन्ट लग फर्मुला’मा राखेर अहिले दलहरूले प्राप्त गरेको मतको आधारमा सिट बाँडफाँट गर्दा उसको प्रत्यक्ष र समानुपातिक दुवैबाट कूल १८२ सिट पुग्ने देखिएको हो ।
रास्वपाले समानुपातिकमा कुल एक करोड ७ लाख ६४ हजार ८ सय ८९ मत मध्ये रास्वपाले ५१ लाख ४६ हजार ६ सय ८१ मत ल्याएको छ ।

दलका सम्भावित सिट सङ्ख्या:
१. रास्वपा: १८२ सिट (प्रत्यक्ष १२५ + समानुपातिक ५७) ।
२. नेपाली कांग्रेस: ३८ सिट (प्रत्यक्ष १८ + समानुपातिक २०) ।
३. नेकपा एमाले : २५ सिट (प्रत्यक्ष ९+ समानुपातिक १६) ।
४. नेपाली कम्युनिस्ट पार्टी: १७ सिट (प्रत्यक्ष ८+समानुपातिक ९)।
५. श्रम संस्कृति पार्टी: ७ सिट (प्रत्यक्ष ३ + समानुपातिक ४) ।
६. राप्रपा: ५ सिट (प्रत्यक्ष १ + समानुपातिक ४) ।