राष्ट्रिय स्वतन्त्र पार्टीले कटयाे ५१ लाख मत

काठमाडौं । समानुपातिक निर्वाचन प्रणालीतर्फ मतगणना अन्तिम चरणमा पुग्दा राष्ट्रिय स्वतन्त्र पार्टी (रास्वपा) ले ५१ लाख मत कटाएकाे छ । हालसम्म कुल १ करोड ७ लाख ३२ हजार ९ सय ३२ मत गणना हुँदा राष्ट्रिय स्वतन्त्र पार्टी एक्लैले ५१ लाख ३६ हजार ६ सय ७४ मत प्राप्त गरेको छ । यो कुल गणना गरिएको मतको करिब ४७.८ प्रतिशत हिस्सा हो ।

दोस्रो स्थानमा रहेको नेपाली काँग्रेसले १७ लाख ४८ हजार ३ सय ३६ मत प्राप्त गरेको छ भने तेस्रो स्थानमा रहेको नेकपा (एमाले) को पोल्टामा १४ लाख ४८ हजार ४ सय १२ मत परेको छ । पहिलो स्थानमा रहेको रास्वपा र दोस्रो स्थानमा रहेको काँग्रेसबीचको मतान्तर झण्डै ३४ लाख रहेको छ ।

नेपाली कम्युनिष्ट पार्टी ८,०४,१७१ मतका साथ चौथो स्थानमा छ । श्रम संस्कृति पार्टी ३,७८,५९४ मत ल्याउँदै पाँचौँ स्थानमा छ । राष्ट्रिय प्रजातन्त्र पार्टी (राप्रपा) ३,२९,४६६ मतका साथ छैटौँ स्थानमा छ ।