१ कराेड ३ लाख गणना हुँदा रास्वपालाई ४९ लाख मत

काठमाडौं । प्रतिनिधि सभा निर्वाचनको समानुपातिक तर्फको मतगणना मङ्गलवार बिहानसम्म १ करोड ३ लाख नाघेको छ ।

निर्वाचन आयोगको पछिल्लो विवरणअनुसार देशभर हालसम्म १ करोड ३ लाख १० हजार ३ सय ३० मत गणना भइसकेको हो ।

पछिल्लो मतपरिणाम अनुसार राष्ट्रिय स्वतन्त्र पार्टीले ४९ लाख ५८ हजार ७८१ मत प्राप्त गर्दै अगाडि छ । यो कुल गणना भएको मतको झण्डै आधा हिस्सा हो ।

दोस्रो स्थानमा रहेको नेपाली का‌ंग्रेसले १६ लाख ७६ हजार ३१० मत प्राप्त गरेको छ । नेपाल कम्युनिस्ट पार्टी एमाले १३ लाख ९१ हजार ६९८ मतका साथ तेस्रो स्थानमा रहेको छ।

नेपाली कम्युनिस्ट पार्टीले ७ लाख ५४ हजार ४७३ मत आफ्नो पक्षमा पारेको छ।

३ लाख ४८ हजार १७८ मतसहित श्रम संस्कृति पार्टी पाँचौँ र ३ लाख २३ हजार ९९ मतसहित राष्ट्रिय प्रजातन्त्र पार्टी (राप्रपा) छैटौँ स्थानमा रहेका छन् ।