१६५ वटै क्षेत्रको परिणाम सार्वजनिक, रास्वपा पहिलाे

काठमाडौं । निर्वाचन आयोगले प्रत्यक्ष तर्फ १६५ वटै क्षेत्रको निर्वाचन परिणाम सार्वजनिक गरेको छ । सबैभन्दा अन्तिममा संखुवासभाको मत परिणाम सोमबार राति सार्वजनिक भएको हो । संखुवासभामा नेकपा एमालेका अर्जुनकुमार कार्की विजयी भए ।

उम्मेदवारी खारेजपछि विवादित बनेको धनुषा-१ मा आयोगले नेपाली कम्युनिष्ट पार्टी (नेकपा)का मातृकाप्रसाद यादवलाई विजयी भएको प्रमाणपत्र दिएको छ ।

प्रत्यक्ष तर्फ रास्वपाले १२५, नेपाली कांग्रेसले १८, एमालेले ९, नेकपाले ८, श्रम संस्कृति पार्टीले ३ र राष्ट्रिय प्रजातन्त्र पार्टीले १ सिट जितेको छ । म्याग्दीबाट स्वतन्त्र उम्मेदवारी दिएका महावीर पुन निर्वाचित भए ।

२७५ जना प्रतिनिधि सभा सदस्य चयनका लागि फागुन २१ गते देशभरी मतदान भएको थियो । समानुपातिक तर्फको एक करोड मत गणना भइसकेको छ । समानुपातिकमा तर्फ रास्वपा करिब ४८ प्रतिशत मतसहित अगाडि छन् । कांग्रेस, एमाले र नेकपा पछि पछि छन् । श्रम संस्कृति र राप्रपाले तीन प्रतिशत थ्रेसहोल्ड पुरा गरेका छन् ।