वीरगञ्जबाट ९ वटा सुतली बम र सुँगुरकाे टाउकाेसहित तीन जना पक्राउ

काठमाडौं । निर्वाचनकाे माैन अवधिकाे समयमा पर्साबाट प्रहरीले ९ वटा सुतली बम र सुँगुरको टाउको सहित ३ जनालाई पक्राउ गरेकाे छ ।

चुनावको बेला हिंसा भड्काउने उद्देश्यले सुँगुरको टाउको र सुतली बम बोकेर हिँडेकाहरुलाई प्रहरीले मंगलबार राति पक्राउ गरेकाे हाे ।

‘उनीहरुले पसलबाट सुँगुरको टाउको किनेर दुई टुक्रा पारेर शंवेदनशील क्षेत्रमा फ्याँक्ने तयारी गरेका रहेछन्,’ सुरक्षा स्रोतले भन्यो, ‘ हामीले सफल हुन दिएनौं ।’

प्रहरीका अनुसार उनीहरुको साथबाट नौ वटा सुतली बम, केही तार लगायतका सामग्री पनि बरामद भएको छ ।